சுக்கு குழம்பு

தேவையான பொருட்கள்

நல்லெண்ணெய் -நூறு கிராம்
கடுகு - ஒரு ஸ்பூன்
வெந்தயம் - ஒரு ஸ்பூன்
வெங்காயம் - 1/4 கிலோ
இஞ்சி, பூண்டு - 1 tsp each
சுக்குப்பொடி - 50 கிராம்
மிளகு - 100 கிராம்

செய்முறை

நல்லெண்ணெயை கடாயில விட்டு, கடுகு, வெந்தயத்தைப் போட்டு வறுத்து,சின்ன வெங்காயத்தை உரிச்சுப் போட்டு தாளிக்கணும். இதோட தேவையான அளவு இஞ்சி, பூண்டு, சுக்குப்பொடி சேர்த்து எலுமிச்சை அளவு புளியைக் கரைச்சி விடணும். மிளகை அரைச்சு அந்தப் பொடியை தூவி கொதிக்க வெச்சு இறக்கணும். சுக்கு குழம்பு சூப்பரா இருக்கும்! தலைவலி, உடல்வலி நொடியில மறைஞ்சிடும்.

ரவா தோசை

தேவையான பொருட்கள்

பச்சரிசி மாவு - முக்கால் கிலோ
மைதா மாவு - 100 கிராம்
ரவை - 100 கிராம்
தேங்காய்த் துருவல் - ஒரு டீஸ்பூன்
கேரட் துருவல்- ஒரு டீஸ்பூன்,
மிளகு - ஒரு டீஸ்பூன்,
சீரகம் - ஒரு டீஸ்பூன்,
உப்பு - தேவைக்கேற்ப.

செய்முறை: பச்சரிசி மாவு, மைதா மாவு, ரவை இவற்றை முக்கால் லிட்டர் தண்ணீரில் கரைத்துக் கொள்ளவும். இந்தக் கரைசலில் உப்பு சேர்த்து தேங்காய்த் துருவல், கேரட் துருவல், மிளகு, சீரகம் இவற்றைக் கலந்து தோசையாக வார்க்கவும். பொதுவாக ரவையை நன்கு ஊற வைத்துதான் அரிசி மாவில் கலந்து தோசை வார்ப்பார்கள். ஆனால் ரவா தோசை முறுகலாக வர வேண்டும் என்பதற்காக ரவையை மாவில் அப்படியே கலந்து செய்வார்கள்

பட்டர் சிக்கன் மசாலா

தேவையான பொருட்கள் :

சுத்தம் செய்த சிக்கன் துண்டுகள் - அரை கிலோ
பாதாம் பருப்பு - 6 (ஊறவைத்து அரைத்துக் கொள்ளவும்) // முந்திரி உபயோகிக்கலாம்//
கரம் மசாலா தூள் - கால் டீஸ்பூன்
இஞ்சி, பூண்டு விழுது - அரை டேபிள் ஸ்பூன்
வெங்காயம், தக்காளி - 3 (தலா)
மிளகாய்த் தூள் - 2 டீஸ்பூன்
மஞ்சள் தூள் - அரை டீஸ்பூன்
பட்டை - சிறு துண்டு
லவங்கம் - 1
வெண்ணெய் - 100 கிராம்
மைதா மாவு, எலுமிச்சை ஜூஸ் - 1 டேபிள் ஸ்பூன் (தலா)
பால் - அரை கப்
மல்லித்தழை - 2 டேபிள் ஸ்பூன்
உப்பு, எண்ணெய் - தேவைக்கு.

செய்முறை : சிக்கன் துண்டுகளுடன் இஞ்சி, பூண்டு விழுது, பாதாம் விழுது, உப்பு, மஞ்சள் தூள், மிளகாய்த் தூள், கரம் மசாலாத்தூள், எலுமிச்சை ஜூஸ் சேர்த்து 1 மணி நேரம் ஊறவைக்கவும்.

50 கிராம் வெண்ணெயில் மைதா மற்றும் பால் சேர்த்து நன்கு கலந்து மிதமான தீயில் அடுப்பில் வைத்து நன்கு கிளறவும்.இதுதான் ஒயிட் சாஸ்! வாணலியில் சிறிது எண்ணெய் விட்டு பட்டை, லவங்கம் தாளித்து வெங்காயம்,தக்காளி சேர்த்து நன்கு வதக்கி ஆறிய பின் மிக்சியில் அரைத்து வைத்துக் கொள்ளவும்.

பிரஷர் பேனில் மீதமுள்ள வெண்ணெயை சேர்த்து அரைத்து வைத்த வெங்காயக் கலவையை சேர்த்து நன்கு வதக்கி, ஊறிய சிக்கன், ஒயிட் சாஸ் சேர்த்து நன்கு கிளறி மூடவும். 10 முதல் 12 நிமிடங்கள் கழித்து திறந்து பொடியாக நறுக்கிய கொத்து மல்லித் தழை, 2 டீஸ்பூன் வெண்ணெய் ஆகியவற்றை மேலே ஊற்றி பரிமாறலாம். தேவைப்பட்டால் 1 குடை மிளகாயை துண்டுகளாக்கி வெண்ணெயில் வதக்கி சிக்கனில் சேர்க்கலாம்.

நான்

தேவையான பொருட்கள் :

மைதா மாவு - 4 கப் (நன்றாக சலித்துக் கொள்ளவும்)
ஈஸ்ட் - 1 டேபிள் ஸ்பூன் (டிரை ஈஸ்ட் என்ற பெயரில் கடைகளில் கிடைக்கும்)
நெய், சர்க்கரை - 1 டீஸ்பூன்
வெண்ணெய் - 1 டேபிள் ஸ்பூன்
ஆப்ப சோடா - அரை டீஸ்பூன்
உப்பு - முக்கால் டீஸ்பூன்
பால், தயிர் - அரை கப் (தலா)

செய்முறை : சர்க்கரையுடன் ஈஸ்ட் மற்றும் வெதுவெதுப்பான பால் சேர்த்து 10 நிமிடத்திற்கு மூடி வைக்கவும். பிறகு, இத்துடன் தயிர் சேர்த்து 15 நிமிடங்கள் மூடி வைக்கவும். கலவை நன்றாக புளித்து நுரை வந்திருக்கும்.

மைதாவுடன் உப்பு, ஆப்ப சோடா, ஈஸ்ட் கலவை, சிறிது தண்ணீர் கலந்து சற்று இளக்கமாகப் பிசையவும். இந்த மாவை 5 முதல் 6 மணி நேரம் வரை மூடி வைத்திருந்தால் மாவு 2 மடங்கு நுரைத்திருக்கும்.

இதிலிருந்து சிறிதளவு மாவை எடுத்து முக்கோண வடிவத்தில் கால் அங்குல கனத்தில் தேய்க்கவும். அதன் ஒரு பக்கத்தில் தண்ணீரை தடவிக் கொள்ளவும்.தவாவை சூடேற்றி தண்ணீர் தடவிய பக்கம் கல்லில் படுமாறு போடவும்.மிதமான தீயில் வேகும்போது மேல்பக்கம் சின்ன சின்னதாய் குமிழ்கள் உருவாகும்.

பிறகு தோசைக் கல்லோடு அப்படியே திருப்பி நாணின் மேல்புறத்தை தீயில் காட்டி வேகவிடவும். 2 பக்கமும் வாட்டிய பின் கத்தியால் எடுக்க நாண் சுலபமாக வந்து விடும். இப்போது அதன் மேல் சிறிது வெண்ணெய் தடவினால் ஹோட்டல் டேஸ்ட் உள்ள நாண் வீட்டிலேயே ரெடி!